Fjarþjónusta

Við bjóðum uppá fjarþjónustu handa þeim sem geta ekki mætt á staðinn

Aflið leggur áherslu á að veita þolendum traust og stuðning í öruggu umhverfi. Með fjarskiptaviðtölum getum við tryggt aðgang að ráðgjöfum án þess að þolandi þurfi að mæta á staðinn.

Þegar þú hefur þörf á ráðgjöf og stuðning frá Aflinu, getum við tengt þig við ráðgjafa á öruggan máta.

Öll fjarviðtöl fara fram á miðlum með stórum öryggis ráðstöfunum og þannig nær Aflið að tryggja öryggi þeirra sem þurfa á ráðgjöf að halda.

Fyrirspurn

Fá ráðgjöf

Hvernig fer fjarviðtal fram?

Aflið bíður upp á viðtöl og ráðgjöf í gegnum síma og tölvur. Aflið notar öruggt fjarfundarkerfi fyrir fjarviðtöl í gegnum tölvur en einnig er hægt að nýta sér símaviðtöl.

Fyrir hvern er fjarþjónusta?

Fjarþjónusta er fyrir alla sem sækjast eftir eða eru nú þegar í þjónustu hjá Aflinu. Þeir sem sækja þjónustu til Aflsins geta þannig verið staðsettir hvar sem er þegar þeir sækjast eftir viðtalsþjónustu.

Fjarþjónusta eða mæta á staðinn?

Aflið er að bjóða upp á staðviðtöl á Akureyri, Blönduósi, Egilsstöðum, Húsavík og Reyðarfirði. Allir þeir sem nýta sér fjarþjónustu geta einnig nýtt sér þjónustu Aflsins á þessum stöðum. Skjólstæðingar Aflsins geta þannig kosið að nota fjarþjónustu, staðþjónustu eða hvor tveggja.