Stutta pilsið mitt
Stutta pilsið mitt
Það er ekki tilboð
Ekki ögrun
Ekki tilvísun
Að mig langi
Eða að ég selji mig.
Stutta pilsið mitt
Er ekki að biðja um það
Það vill ekki að þú
rífir það utan af mér
Eða dragir það niður
um mig.
Stutta pilsið mitt
Er ekki lögleg ástæða
Til þess að nauðga mér
Þótt hún hafi verið notuð áður
Þá mun hún ekki halda
Í réttarsölum nútímans.
Stutta pilsið mitt
Hvort sem þú trúir því eður ei
Kemur þér ekkert við.
Stutta pilsið mitt
Snýst um að uppgötva
Styrkinn í kálfunum mínum
Svalt haustloftið sem leikur
Um læri mín
Að leyfa öllu sem ég sé
Eða geng í gegnum
Eða upplifi
Að búa innra með mér.
Stutta pilsið mitt
Er ekki sönnun þess
Að ég sé heimsk
Eða óákveðin
Eða áhrifagjörn smástelpa.
Stutta pilsið mitt er ögrun mín
Ég leyfi þér ekki að hræða mig
Stutta pilsið mitt er ekki athyglissýki
Þetta er ég
Eins og ég er
Áður en þú lést mig hylja mig
Eða draga úr mér.
Þú skalt venjast því.
Stutta pilsið mitt er hamingja
Ég finn sjálfa mig snerta jörðina
Ég er hér.
Ég er heit.
Stutta pilsið mitt er frelsun
Fáni í her kvenna
Ég lýsi þessar götur, allar götur
Þjóðlendur píkunnar minnar.
Stutta pilsið mitt
Er skjaldbaka í vatni
Með litríkum syndandi fiskum
Sumarhátíð
Í stjörnubjörtu myrkri
Fuglasöngur
Lest sem ferðast inn í framandi þorp
Stutta pilsið mitt er rússíbani
Djúpur andardráttur
Tangósveifla
Stutta pilsið mitt
Er vígsla
Velþóknun
Hvatning
En fyrst og fremst
Er stutta pilsið mitt
Og allt sem undir því leynist
Mitt
Mitt
Mitt.
(Eve Ensler, höfundur Píkusagna (Vagina Monologues))
Með þessu ljóði bjóðum við öllum gleðilegra jóla
Kynbundið ofbeldi, vanræksla og ill meðferð
Kynbundið ofbeldi, vanræksla og ill meðferð, námskeið í Háskólanum á Akureyri á vorönn
Kennt í fjarkennslu til Ísafjarðar, Egilsstaða, Selfoss og Hafnarfjarðar
Námið er 48 klst. og öllum opið en er kennt á meistarastigi. Einstaklingar sem vilja fá það metið til 10 ECTS eininga inn í meistaranám skulu skila verkefnum og mæta öðrum þeim kröfum sem slíkt nám krefst. Námið hentar þeim sem starfa við heilbrigðis- og félagsþjónustu, skólakerfið, löggæslu, dómskerfið og sjálfstætt starfandi aðilum sem vinna með fólki, einnig þeim sem hafa áhuga á að starfa á þeim vettvangi.
Námslýsing:
Viðfangsefni þessa námskeiðs er að kynna kynbundið ofbeldi, vanrækslu og illa meðferð; einkenni, afleiðingar, forvarnir og meðferð. Nemendur kynnast helstu þáttum varðandi áfallastreituröskun, birtingarmyndir þjáningar, grimmdar og illsku. Einnig forvörnum, heilsufarslegum afleiðingum kynferðislegs ofbeldis og dómum varðandi slík mál. Þá verður einnig vikið að helstu þáttum varðandi jafnrétti, ofbeldi í nánum samböndum, vanrækslu, vændi, klám og meðferð fyrir þolendur og gerendur ofbeldis.
Kennd verða fjögur lotubundin námskeið, 12 kennslustundir hvert:
1. 15.-16. janúar: Kynning, áfallastreituröskun, birtingarmynd þjáningar, forvarnir gegn kynferðisbrotum og dómar í ofbeldismálum.
2. 19.-20. feb: Kynferðislegt ofbeldi og afleiðingar, jafnrétti, nauðganir, gerendur í kynferðisbrotum, vændi og klám.
3. 19.-20. mars: Vanræksla, ofbeldi í nánum samböndum, nemendur kynna verkefni.
4. 16. apríl: Ráðstefna; Þögul þjáning kl. 09:00-16:00 og 17. apríl: Vinnusmiðja; stutt framsöguerindi og umræður kl. 09:00-12:00.
Umsjónarkennarar:
Sigrún Sigurðardóttir, M.S., Ph.D. nemi í lýðheilsu við HÍ
Netfang: sigrunsiggaboga@simnet.is
Dr. Sigríður Halldórsdóttir, prófessor heilbrigðisdeild HA
Netfang: sigridur@unak.is
Dr. Freydís Jóna Freysdóttir, MSW, Phd, félagsmálastjóri og lektor í félagsráðgjöf við Háskóla Íslands
Netfang: freydis@nordurthing.is
Kristín Ástgeirsdóttir, framkvæmdarstýra Jafnréttisstofu á Akureyri
Netfang: kristin@jafnretti.is
FEMINISTAR VARA VIÐ ÁBYRGUM FEÐRUM
Feministar vara við ábyrgum feðrum eryfirskrift fréttar á DV
sjá hér
Bravó Feministafélag Ísland