Tónleikar til styrktar Aflinu
Tónleikar verða í Akureyrarkirkju þann 5. nóvember næstkomandi kl 20.00. Fram koma Karlakór Akureyrar og Geysis, Friðrik Ómar, Óskar Pétursson, Inga Eydal, Hundur í óskilum og Heimir Ingimarsson. Kynnir kvöldsins er hún Bryndís Ásmundsdóttir leik og söngkona. Miðaverð er hógvært eða krónur 1000 og enginn pósi á staðnum. Framkvæmdanefnd Aflsins undirbýr þessa flottu tónleika og eru þær óstöðvandi því þær eru einnig að hekla dúllur og baka marengs fyrir kaffihlaðborðið og handverkssöluna í desember, nánar auglýst síðar.
Lilja
Aflið fór á æfingu hjá Leikfélagi Akureyrar á miðvikudagskvöld, sáum við ” Lilju ” verk sem frumsýnt verður í dag föstudag. Verkið er byggt á kvikmyndinni “Lilya 4 ever” og það var hreint út sagt magnað, til hamingu þið öll, leikarar, leikstjóri, búninga og leikmyndasmiðir og já allir. Magnþrungið verk um mjög þarft málefni, mansal og kynferðisofbeldi. Mælum með þessu.